富田Ladies' Night
今晚約佐阿珍、車輪媽同埋菇時上璇姐喥度身,璇姐真係有求必應架,只要做得到,佢一定會滿足大家0既要求。因為我話有一條裙好靚、好想要,佢就義不容辭打電話俾朋友問下點樣做,仲話幫我再問師傅添呀!
離開璇姐屋企後,我地去佐富田食晚飯。冇錯,又係富田,我實在太掛住D海膽喇。今次仲食到油甘魚同立魚添,真係好好味呀,雖然個鹽燒牛舌有些少失望,但總括黎講都係驚喜多於失望0既。(以下幅相並唔係我影架,係男哥咁0岩尋約六位女同事去富田食飯時影,我係偷佐佢幅相黎用0者...我淨係試過右手邊0既北寄貝同海膽咋!)

食飽飽之後,大家都唔想走,繼續吹水,繼續唔抹咀。我地發現車輪媽冇去camp,但竟然對camp裡所有細節都瞭如指掌(梗係肥巴呢支強力0既人造衛星啦,咁你有冇話俾輪媽知你升佐職加埋薪都冇請九男女食飯呀!)。其他話題離不開阿珍0既婚禮啦,我同菇時都對“擺酒”十分滴汗,唔知要擺幾圍先夠,擺得少又寒酸,擺得多又驚俾人放飛機,總之就係每日都俾好多個“煩”字轟炸,十分痛苦。計我話...旅行結婚咪算囉,如果可以,邀請幾個知己朋友同行,我諗都幾開心、幾難忘。
3 則留言:
哈哈哈....多得肥巴~
我好enjoy ladies night 呀~因我其實未試過咁o既gathering~~
諗唔到第一次就咁enjoy,如果下次加埋破壞就very nice 喇!
Ladies night當然好啦!至少唔會有滴汗的事情發生,令大家分心傾唔到偈嘛!
食0左三次富田,唔計壽司/ 刺身,我個人覺得最出色的有彈牙烏冬、蟹粥/蠔仔粥、焗飯、意粉、牛油焗帶子,全部都好飽肚添......
搵日集齊九男女再闖富田,試多D菜先得!
我第一次同阿珍去富田就已經想試蟹粥,但當時得兩個人所以冇叫到,今次已經係四個人...但我又唔記得,淨係掛住海膽,唔得呀,我一定要約齊九男女再去食盡富田美食!!!!!!!!
發佈留言