2006年8月26日

香港人0既食相

今日同好耐冇見0既Florence同Tinny去佐Holiday Inn食Tea Buffet,隔離張檯果三女一男真係影衰晒D香港人,佢地年紀唔係好大,應該同我差唔多,但真係估唔到咁失禮。當時我正準備出去拎野食...

甲女:「喂,有三文魚呀,快D出去喇!」

一見到三文魚就好似0岩0岩放出黎咁,高聲呼叫不特止,仲拖埋乙女同丙女出去一齊作戰。

我就企佐0係佢地隔離,見佢地三個已經將四分三盤三文魚掃走,全部大大塊0既就夾走,剩低一D魚片碎,我就拎起支夾準備夾隔離果盤油甘魚,此時...

乙女:「咦(指住我夾緊果一盤),呢盤咩黎架,白0賴晒,唔知咩cheap野,過隔離拎牛仔肉好過!」

我心諗:「阿姐,唔係淨係三文魚先至叫“魚生”架,油甘魚仲貴啦!」

當我返埋位冇耐,果三個女子就叫丁男:「快D出去掃埋D三文魚返黎啦,我地隻碟唔夠裝。」(原來係唔夠裝,唔係唔想拎)

丙女突然話:「喂,有蛋糕呀,快D出去拎啦,俾人搶晒喇!」,洗唔洗咁呀,聽講除佐佢地冇人搶野食喎。

食到差唔多完場,我就斟佐杯茶返黎,隔離又有把聲...

甲女:「乜有茶咩?」
乙女:「茶都好飲0既!」
丙女:「是鬼但啦,斟佐返黎先啦,唔好蝕嘛。」
丁男:「係呀,我出去再掃多轉雪糕先!」

我不得不佩服佢地四個,簡直係活生生四個食物焚化爐,佢地唯一0既優點係唔多浪費食物(係唔多,唔係冇),但行為就不敢恭維!

當大家肆意批評自由行0既同時,有冇諗過0係你地身邊,一齊長大0既香港兒女,有時係比自由行同胞更為恐怖呢?

4 則留言:

匿名 說...

Florence~ 嘩~ 好耐冇見過佢啦~
佢依嫁點呀? 又話搵次預埋我...

匿名 說...

都唔知呢D咩人…俾我就大大聲扮同身邊朋友講︰『咦~乜D人好似??放監咁?唔知佢地係咪平時食都無得食,真係可憐…希望佢地今晚可以食得飽D啦…』

匿名 說...

物以類聚,四個都係垃圾!

下次 tea buffet 記得搵埋我!

匿名 說...

肥巴男哥,今次係女人茶聚嘛,我上次見Tinny係佢剛剛有BB,而家佢個仔都六個月喇!!!