2006年9月1日

十五年前

今日係大哥大嫂結婚十五週年紀念,話咁快就十五年,光陰似箭,日月如叉!

回想十五年前0既情景,真係慘不忍睹...大家唔好誤會,我係話我當時0既打扮0者。當年0既我正值尷尬年齡,大人唔似大人,細路唔似細路,都唔知想點。果陣又冇Internet,搵野唔會有Google,襯衫0既資料更加唔會手到拿來啦,唯有聽下旁人0既意見,你一言我一語,拼拼湊湊,出黎0既結果只有兩個,一係好好,一係好差,大家見我咁唏噓,唔洗問阿貴都知係後者啦,我而家真係冇乜勇氣睇番當時0既相,只係依稀記得我第一對高爭鞋、仲有唔知邊個茂利髮型師夾0係我個頭0既大蝴蝶...嘔泡指數達到10。

今時今日0既我,已經開竅佐好多喇,希望十五年後0既我唔會逃避睇番而家0既相啦,哈哈!

2 則留言:

Alfred 說...

你唔講都好 d, 講完我爆想睇!!

大蝴蝶喎!! 諗到都知堅!!

匿名 說...

係呀,堅到爆!唔只我,好多人當時0既打扮都好堅,包括當時一對新人...即係我大哥大嫂,哈哈哈!!