破壞王之兒時夢想
破壞王今日過開港島處理佢D股票生意,順道同我食Lunch,我就揀選佐附近一間茶餐廳格局0既西餐廳。坐低後...
破:「你知唔知有冇D中檔0既西餐廳請侍應?類似扒王之王果D得喇!」
椒:「唔清楚喎,你個姪仔定姨甥仔想搵暑期工咩?」
破:「係我呀,我細細個就想做侍應,覺得佢地捧餐好型架喇。」
椒:「唔係嘛?!」(當時口裡正呷著一啖海皇忌廉湯,差D由鼻孔噴番出黎)
破:「做侍應好好架,又可以學下Table Manner,你睇下我,又用錯飯匙飲湯喇!」(極力搵証據証明自己0既論點,我懷疑佢係專登用錯飯匙)
椒:「小姐,你碩士畢業去做待應,有冇人敢請你呀?」
破:「好多讀酒店0既人都去餐廳實習架。」
椒:「你都識講人地係實習啦,你估佢地畢佐業會唔會去捧餐丫拿!」
破:「我識英文喎,應該會請。」(好認同自己0既語氣)
椒:「最弊個餐廳最高指揮人都冇你咁0既學歷呢,人地係怕佐你,唔敢請你,唔係唔想請你。」
我大大話話都識佐破壞王八年,到今時今日都其實唔係咁了解佢,我估...剛剛獲得碩士銜頭0既LU生可能同佢會接近D,應該了解多一點點。
6 則留言:
佢只不過得閒無野做,又衣食無憂,又唔駛養家,咪想?D生活體驗囉...如果我好似佢咁0既situation,或者我都考慮試下做洗頭仔...
嘩~ 破壞王既願望一向都好'特出'嫁啦... 我記得佢好似話想?貨櫃車嫁....
好彩佢冇呀..如果唔係我怕又多單屯門既意外....
有錢人真係多願望.....
一個碩士生竟然想做捧餐侍應!!
我諗佢應該開間餐館,
然後自己就做下捧餐幫下手,
重可以乘機令佢d下屬以為呢位老細肯落手落腳添,掂呀!
講真喎, 壞破王識唔識煮野食嫁...
佢好似好少煮野食,最鐘意係食乾糧喎....
哈哈哈....好一個"覺得捧餐好型"o既講法!
椒,算啦,我諗到果時你o既噴湯樣,或者越讀得多書o既人係越怕冇o野做o架呢~
人生有夢想係好值得支持0架!!!
所以我好鼓勵破壞去見工,首先要虛報學歷,好似我讀預科時做暑期工就呃人話讀到中四,破壞都可照辦煮碗。跟住人地問佢過去十幾年冇reference letter做過乜,破壞就可以吹水啦,例如"渣"開保姆車咁囉!
以破壞的英語水平,試多幾間可能都有人請0既!不過叫得做「破壞」,能否成功做夠一日就真係難講,如果打爛野仲可能要賠添!不過都志在試0下"型"?!
看來我們去camp最重要的活動,就係與破壞傾偈啦!哈哈哈!
發佈留言