八八八
Sorry,我唔係想講環保組織0既「熄燈行動」,而係想講今日放工搭地鐵遇到八月八日兩八婆。
話說0係東涌線一上車,我都係慣性0係列車左邊門面壁咁企,儘量都唔會對住其他乘客。一上車,就聽到後面有兩把八婆聲線0既女聲0係喥交談...
甲:「阿邊個結婚喇。」
乙:「係?!咁係咪辭職做少奶奶?」
甲:「咪講笑啦,佢果個老公咩質素呀?辭工真係唔洗開飯咩?錢又冇樣又冇,都唔知有乜好?」
乙:「唔係嘛,冇錢架,又唔靚仔,咁做乜咁早嫁喎?」
甲:「咪係!傻架!學我地玩多兩年先啦,到時釣個金龜婿就可以做少奶奶,諗起都爽。」 (想像到佢當時個表情係幾咁姣屎TUN篤)
乙:「係啦,我真係唔學佢咁傻。」(佢個相都唔慌好,一定係MIU咀MIU舌個死相)
(下刪一千字...由香港站等開車直到南昌站落車大約十五分鐘,依然全程都係討論人地個老公冇錢冇樣,頂,人地老公“百冇”關你叉事咩!)
甲:「佢咁都嫁得出,我地唔洗憂啦!」
乙:「咪就係!」
我臨落車望一望呢對女子0既容貌...嘩,我頂,直頭係甘小文年代0既漫畫人物肥婆四同哨牙珍0既真人版,兩個八婆活靈活現0係眼前。撇除佢地副尊容唔講,相信以佢地0既人品,金龜婿就抆水喇,烏龜都可能有0既。

4 則留言:
最憎呢d咁既八婆喇?
極度乞人憎!一d口德都冇呀,
難為佢地仲 keep 到一絲既自信...
人o黎,呢d咁o既人拖出去"斬"~
樣唔靚唔緊要,仲要咁冇口德,唉...我有d咁o既女就慘喇!
輪媽,放心啦,子晴唔會咁冇口德0既,最多都係學我地咁“串串貢”咋嘛,不過...都係串有有道理喎!
甲:「佢咁都嫁得出,我地唔洗憂啦!」
乙:「咪就係!」
呢兩句好經典呀!! hahaha! 要嫁無話嫁唔出既, 地上嫁唔到咪冥婚嫁個地下咯! 大把選擇!
發佈留言