2006年5月24日

『路人甲乙丙』之『李笑好真人版』

自從阿旺2之後,“李笑好”三個字已經變成醜女0既形容詞,俾人稱為“李笑好”,簡直比死更難受。但我今日想講0既路人,真係比“李笑好”更為經典,佢有比“李笑好”更為突出0既容貌,但就冇“李笑好”咁可愛;可能大家都認為我好衰,就連我自己都覺得我真係好衰。

等我形容一下呢位女子0既樣先,倒三角面、下三白眼、豬膽鼻(古時候話旺夫架)、覆舟咀、腮骨凸出、顴骨凸出、顴骨上滿佈黑痣及雀斑、面色枯黃暗灰,打扮永遠係黑,全身都黑,黑衫 + 百褶及膝黑裙 + 格仔黑絲襪 + 平底黑鞋。

其實我冇心咁話佢,但呢D確實係不折不扣0既事實,樣唔靚唔緊要囉,佢0既舉止都好奇怪,永遠用斜啤0既眼光掃射0係佢身邊0既異性,眼神憤怒得有如在咒罵對方點解用咁0既眼神望佢,好似想話:『未見過靚女咩?』,然後雙手將胸前0既黑外套兩邊往內一拉,正好將件黑外套變成一件樽領衫一樣,唔想俾人睇蝕。

其實我想話,唔單止係異性咁望佢啦,連同性都係咁望佢,冇辦法架喎,佢0既坐姿咁豪邁,我真係少見世面囉,著裙著到叉開隻脾坐,仲要將佢帶上車0既麵包大口大口咁咬,我唔明點解月台助理唔話佢?唉...佢仲要成日坐我對面或者隔籬添!

5 則留言:

♀蛋糕核桃恩♂ 說...

Ha ha ha ha ha, I hope I won't see her in any case, otherwise I will laugh to death...

匿名 說...

點解你每日都會有D咁恐怖既經歷架!

我覺得呢個人覺得呢個世界係好美麗既,因為佢每日見到自己個款都冇嚇親,其他所有既事物對比佢係好美好!

匿名 說...

計我話,佢可能覺得呢個世界好醜陋,就好似ET咁,睇慣左自己個樣,覺得咁先叫靚0架嘛!

點知朝朝搭火車見到辣椒呢類「道不同」的乘客,佢一定覺得好唔順眼!可憐!

匿名 說...

咁我又冇覺得唔順眼0既,我除佐可以啟動“選擇性失聰”0既天賦功能外,仲可以啟動埋“選擇性失明”0架嘛,唔洗替我擔心,但我最怕都係夏天地鐵車箱0既臭狐味,避唔到!!

Alfred 說...

地鐵... 的確係妖物既溫床! 之所以 d 人話地鐵「猛」就係咁解!!