椒之生日會
首先想講,Blog個時間係假架啦,當時仲0係淫竇喥吹緊水,如火如荼果隻,點會寫緊日記丫...原來吹水真係可以大量消耗時間!!
多謝九男女為我慶祝生日,淫珍仲要0係我生日正日宣佈婚訊,嘩!驚喜到爆啦,諗住你地住埋就算架嘛...點算呢?今年下半年已經中佐五個旦,除佐儲錢交稅,仲要儲錢俾人情,哈哈,不過見係你地,係咁咦俾公價人情多十蚊啦,哈哈哈哈!!
金輪個女晴B今次第一次正式參加我地聚會,喂!學菇時話齋,你地個女有潛藏0既暴力因子喎,佢見珍巴打鬥時眼都唔眨,直頭想打埋一份。阿金話個女唔跟佢,因為佢心口少佐兩舊肉,挨落去訓唔舒服喎。我想話呢...肥巴都冇架喎,佢舊肉0係肚腩喥,阿金你檢討下把啦,賴得就賴!
菇男破三人有事走先,淨低金輪淫珍巴椒六個0係喥捉蝨...呀,係促膝談心先真,原來我地都可以咁正經地討論好多人生大事,結婚啦,生仔啦,各人有各人意見,各人有各人立場,講到尾,結婚不嬲都唔係兩個人0既事啦,根本係兩個家庭0既磨合。
嘩,捉完蝨都三點半,好彩住得近,返到黎沖埋涼都係四點,嘻嘻,我訓先!
關於今次生日會0既其他趣聞,交俾場外駐九巴小記菇時,去片。
※ ※ ※ ※ ※
後記:每年都係T最早俾短訊賀我,八年喇,點解呢個習慣你都唔改?我又唔會覆你0既,你唔覺得同空氣講緊野咩?
沒有留言:
發佈留言