2006年7月29日

Long Time No See,軟硬天師

一連十場「Long Time No See,軟硬天師」,今晚係第三場,七男女齊齊捧場。揀星期六最最最主要原因係第二日唔洗返工,另一原因係因為以前「老人院時間」都係星期六,所以特別有意義。


軟硬出碟唔多,基本上成場會唱乜歌我地都知道晒,但係最最最想係聽到係“整蠱電話”,如我所願,開場冇耐就播,笑到碌地肚攣。最開心係聽到“For You”呢首歌,我當年絕對係因為呢首歌而買佐“車欠石更”呢餅帶(冇錯,我當年仲未買CD機),相信餅帶而家已經發佐霉。而我本身係鍾意軟天師阿葛多D,因為D“整蠱電話”多數係佢打,哈哈哈,估唔到十幾廿年前0既我已經有潛藏0既變態因子!!!

去到中後段,全場萬二人一齊起身,氣氛極好,我次次睇李克勤都冇試過,相信“企起身”呢個場面都唔會0係李克勤演唱會出現,因為佢都冇一D需要跳舞0既歌,亦都唔洗咁客氣,佢0既舞藝嘛...佢賣歌我已經好鍾意。@_@"(滴汗中)

完場後,七男女去佐麥咖啡食宵夜,約定八月之精活動係 ── 宿營。

5 則留言:

匿名 說...

希望八月之精既宿營活動可以搞得成啦,
我諗大家都想去宿營 relax 下!

匿名 說...

死!未搵破壞王添!!!

匿名 說...

Va E, 妳最好叫佢(破壞)落deposite先,因尋晚同佢傾開,好似話未必去呀~

匿名 說...

因為佢話你唔去,所以有supporting佢都唔去,激死我!

我話:人地有BB你冇!
佢話:Cherry又有佐咩?
我話:講緊子晴呀!
佢話:我牙痛呀嘛,所以...(下刪一千字...)

匿名 說...

牙痛呢個理由好牽強喎!仲有成個星期,應該睇牙醫啦!

莫非又要發起一人一信/ 電話/ 短訊之類0既行動?

話時話,其實有冇人去book camp呢?

當日要返工的菇時