2006年7月28日

椒爸壽辰

今日係我家椒爸壽辰,我地早於一個月前已經約定椒家三兄妹,因為舊年大家都唔記得佐呀,冇計啦,年年都有Reminder架嘛,咪就係見人燒街衣就知囉,太皇七月初四生日,實掂啦,但舊年初一二三四五六都落雨,冇人燒衣呀,初七先記得咋,就連椒媽身為佢老婆都將此事忘記得一乾二淨,你話幾咁大鑊丫,好彩冇家變咋,否則椒家三兄妹幾十歲人先0黎面對單親家庭就該煨囉!

既然二佬都到談婚論嫁階段,我誠意邀請埋佢未來老婆一齊參予,感受下我地連平時食飯都“咁多人”0既場面,到時佢地結婚果晚,主家席都係咁多人架咋,哈哈!

2 則留言:

匿名 說...

我阿媽都係七月初四生日,我地亦都係當日慶祝,不過我地人多d,總共十六位(唔連子晴),我諗人齊的話要開兩圍呀~

匿名 說...

我阿婆都係七月初四架!

到時我阿哥結婚,主家席坐咩人又要頭痕一餐!!!