而家嘅打扮咁激嘅?
今晚搭西鐵返屋企,去到美孚站見到兩個女仔上車,本來我冇咩留意佢地,但我強烈感覺到佢地其中一個雙眼起勢咁啤到行,所以先回望下佢。唔望尤自可,一望真係驚為天人...我話佢地嘅打扮呀,冇啤我嗰個都正常少少,只係有我條腰咁粗嘅兩條腿加超短Mini-Skit,仲著埋一對又長又窄又逼爆嘅Boot。而另一個啤妹呢,就似棵流動聖誕樹咁,鮮黃拼鮮綠超窄Tee(佢係肥嘅),配以泥黃膠褸,再襯牛仔黃黃Mini-Skit...到此為止都可以勉強話係OK嘅,不過,再Pan低啲,有對鮮紫色絲襪,加埋米白窩釘長窄Boot,手拎住一個閃銀大手袋,頭上仲有個閃金幼頭箍,頂~想點呀?仲要又係一雙我條腰咁粗嘅大象腿,聴諦出巡咩,定係見西鐵線冇咩聖誕樹,所以出黎應下節?
呢程車都幾驚嚇,我唯為瞓,瞓唔著都詐瞓,唔想望。雙妹嘜終於喺天水圍站落咗車喇,諗住鬆口氣啦,到站喇,一上扶手電梯見到另一個女仔,條裙(其實我覺得係件衫)短到冇得再短,只係冚到半個Pat,加埋佢對透透地嘅黑絲襪,連條底係咩色都見到,咁同冇著有咩分別呢?我覺得我太Out喇,真係接受唔到呢類打扮。
沒有留言:
發佈留言