過氣生日妹,呢排做到灰
生日過後,我發覺我忙嘅程度有增冇減,但仍在我控制範圍內,多啲嚟密啲手啫,勉強仲維持到返屋企同家人一齊食晚飯;不過...呢個情況喺今個星期開始改寫。
熊貓本來係六月中先出街,但公司今日無Q啦啦話要參賽,問我可唔可以快啲完成?其實Front-End係可以嘅,但之前同個客拗到火紅火綠話唔夠時間,咁而家咁樣搞法,叫我點解釋?又係我做醜人啦!結果,真係俾人用啲好滋潤嘅說話回應啦:『之前又同我拗多兩個禮拜,而家一話想參賽,咪又係照原定計劃五月底搞掂!~』
我頂~正一小喇叭,你估我好想咁趕,收皮啦!
沒有留言:
發佈留言