2007年2月8日

是我錯了嗎?

團年飯筆數仲未收,因為我提議改變平分三份0既計法,應該除五份,佢地一人佔兩份,有咁0既改變全因我覺得唔公平,一個人0既單位要俾三份一,三個人0既單位又係俾三份一,但一提出就好大迴響,兩老黑面,大佬黑面,二佬email講道理。連二佬都講道理喎,佢平時最睇重“錢”,竟然都話唔好咁計較,係咪我錯?!坦白講,果一刻我真係唔係計錢,我只係想要“公平”0者,唔知點解呢排好睇重“公平”呢樣野,但佢地個個咁大反應,搞到我好似犯下彌天大錯咁,莫非每個人要袋住唔同0既呎,去量度唔同0既人同埋事?!

睇完大佬二佬封email,我真係喊佐出黎,佢地講番好多細個時0既經歷,好多好多片段係咁湧番黎。我一向以為我地三個感情唔算深,雖然唔會面左左,但肯定唔會friend到攬頭攬頸,原來我地0既感情只係內歛D、收收埋埋,冇咩事係唔會揚出黎,估唔到今次件事令我重新認識兩個哥哥,其實上天對我唔只“公平”,仲好好添!

5 則留言:

匿名 說...

朋友可以有得選擇, 親人係冇得選既,
係上天安排佢地同你渡過你既一生,
可能係過程上會有問題出現過,會唔開心過, 但係最後佢地都會係你既身邊伴你渡過人生之中每一個過程。你唔係講過睇一個人好唔好首先要睇佢對屋企人好唔好咩?
唔好成日諗住賺錢買勞帶啦,一於請成家食返餐,逗下屋企人開心啦~

匿名 說...

好明顯你呢個路人甲都係我認得架啦...扮晒路過,你係咪想死呀?

請屋企人食飯就不嬲都有,只係果一餐話係夾,而我又鬼掩咀咁講話要除五份先夠公平,你話...係咪衰多口?!

不過,錯有錯著喎,我同兩個哥因為呢件事而感情好佐。

匿名 說...

男人對於感情一向都比女人內歛D,
當有事既時候至會表露出來嘛,
我屋企三兄弟都係咁架!

匿名 說...

椒:

我同輪家食生日飯呀、團年飯呀咁(一大圍都有十五六七個),以前仲細唔駛夾,而家大喇,仲做左人o地阿媽,先知有個家係乜野一回事,我會主動同兩個阿哥講夾埋一份,咁大圍都係夾三份,因為家姐(一家四口)會俾利是錢阿爸阿媽,就可以唔夾。
總之,我係果d...會蝕錢俾屋企人o既人(有時我阿哥家姐都會蝕俾我啦,嘻嘻),因為屋企人冇得計架!唔係每個人要袋住唔同0既呎,而係屋企人冇得用呎去量度。
妳都好,可以一家齊齊整整可以食過一次飯,我咁大個女,我都未試過可以同屋企人齊齊整整影過一張相,有時見到我家那張N年代的全家幅(只欠我),我都覺得黯然...心有點酸,所以,要珍惜身邊o既人同物呀!

匿名 說...

看到最後一段,才知道原來乜事都冇,仲錯有錯著添!

我好明白「公平」兩個字,但屋企人根本冇得計,我與媽咪+細佬+細佬女朋友大時大節出去食飯,淨係由我請媽咪唔緊要,但細佬都應該俾番自己0個份丫!就算我請細佬冇問題,咁我都唔想次次要請你女朋友0架嘛!唉!但又可以點呢?只好安慰自己,最緊要媽咪開心啦!