期待07
禁煙範圍將會0係下年一月一號大幅度增多,呢條“遲來的法例”雖然遲佐D,都好過唔到丫,我身為非煙民真係好開心。雖然自此之後,街上煙民數目會多佐(冇計啦,佢地被逼出街食),但起碼去到任何食肆都有餐安樂茶飯食下。
從小就吸慣二手煙0既我唔只冇變成煙民,反而仲好憎添,四年前連椒爸都聽從醫生勸告戒埋煙,之後我對煙味就更加敏感,諷刺0既係...我係超鍾意去大排檔、茶餐廳食野,呢D地方除佐食物夠風味之外,一陣風吹過黎0既煙味都唔弱,所以,近年都真係少佐去,寧願食貴少少,去D有得揀“非吸煙區”0既食肆。當然,平時返工時食0既Quick Lunch就冇可能揀得咁招積啦,唔係搵埋都唔夠食。
2 則留言:
絕對贊同!身為勁唔鍾意煙味o既我,呢件係非常值得可喜可賀o既事。雖然係遲來的法例,但真係好過唔到。我好鍾意果個禁煙廣告o架,Lei..有個細路女話叫d警察呀、消防員...救救屋企人果個呢~
雖然我身邊朋友都有煙民,但都盡量叫佢地唔好向著我噴啦。而我老豆食o左幾十年煙都因為健康問題,最終都戎o左,唉,而我老爺就...希望有一日佢就算唔為我著想都為我下一代著想戎o左佢啦~
係呀,雖然我好少見金爸,但每次佢都煙不離手咁,要佢戒真係好難喎,可唔可以同佢講,唔好對住小朋友食呀?
發佈留言