清明節
又拜山喇,一如過往兩年,我都會買紮花順道拜祭朋友H個哥哥。
今日浩園特別熱鬧,因為“殺警案”殉職警員0岩0岩尋日落葬,好多市民都順便0黎鞠個躬。姪仔見我買花,佢又買紥,當然係買俾呢位警員啦,仲搏到有線電視【圖】、蘋果日報同東方日報訪問添。姪仔真係似十足佢老竇,都係兒時發警察夢,梗係當殉職警員係偶像一樣啦,但件案未水落石出,英勇與否我就未敢苟同喇,只可以嘆句“不幸”囉。
一上到山就收到賤人館秘書C電話,下...乜原來佢仲未辭職呀,講佐好耐喇喎,俾D信心啦,話晒你都係港大畢業,唔憂搵唔到喎,點解要留0係喥俾人呼呼喝喝、斟茶遞水,直情係平價秘書兼打雜,俾著我...斟D屎水佢飲就有!
我真係未打過一份工係咁囉,除佐公事,仲要處理埋佢屋企事,去大昌訂凍肉呀、幫佢個阿媽訂成人尿片呀、幫佢個仔安排補習課外活動呀、同埋佢兩個賓賓0既日常工作呀、.....孖根啦,有時連我地做Consultant都辣著埋,你老幾呀?(所以我咪走囉)
沒有留言:
發佈留言